|
 |
Hanfodion Cangen
Bob dydd, ledled Cymru, mae gwirfoddolwyr mewn 22 cangen Cymdeithas MS/Cymru yn darparu gwybodaeth hanfodol a chefnogaeth ymarferol i bobl sy'n cael eu heffeithio gan MS
Mae'r Gymdeithas MS a'r canghennau yn bodoli i helpu pawb sy'n cael eu heffeithio gan MS : y rhai sy'n dioddef o'r cyflwr, partneriaid, gofalwyr, teulu a ffrindiau a'r rhai sy'n dod i gyswllt ag MS trwy eu gwaith.
Ymrwymiad y gymdeithas yw y bydd pob cangen yn y wlad yn cynnig cyfres o wasanaethau sylfaenol i safon gytunedig erbyn diwedd 2004. Mae'r gwasanaethau hyn, Yr Hanfodion, yn nodi y math o wybodaeth a chefnogaeth y credir y dylai pawb fod â'r hawl i'w ddisgwyl gan un o'n canghennau, ble bynnag y bo.
Maent yn cynnwys:
Bod yn hawdd cysylltu â nhw, gyda un rhif ffôn sy'n cael ei hysbysebu'n eang
Darparu gwybodaeth addas a safonol am MS
Cynnig gwybodaeth gyfredol am wasanaethau lleol eraill
Cyfathrebu trwy gyfrwng cylchlythyr rheolaidd
Darparu person hyfforddedig i gynnig gwybodaeth a chefnogaeth i bobl sydd newydd gael diagnosis a chefnogaeth addas i bawb sy'n cael eu heffeithio gan MS, gan gynnwys teuluoedd,ffrindiau a gofalwyr
Cefnogaeth ariannol lle bo'n addas a lle nad yw ar gael trwy ffynonellau eraill.
Er na allwn sicrhau bod pob cangen yn cynnig Yr Hanfodion ar hyn o bryd, rydym yn cydweithio'n glos er mwyn sicrhau y bydd hyn yn digwydd erbyn 2004
| |
|
Llinell Gymorth MS